Partia Demokratike Diasporës (PDD) është iniciuar nga një grup i bashkatdhetarëve tanë dhe është mbeshtetur dhe përkrahur nga qytetarë, të rinjët në Kosovë me ndihmën e të cilëve edhe është regjistruar si parti politike në Komisionin Qendror Zgjedhor të Republikës së Kosovës.

Partia Demokratike e Diasporës (PDD) përfaqëson spektrin e vlerave dhe traditave të qytetarisë. Shoqëria jone mbështetet në besim tek Zoti, në dashuri për atdhe, familje, shtet dhe liri. Beson në fuqinë e lirisë së individit, të fjalës së lirë, të shprehjes së mendimit kritik, të iniciativës së lirë qytetare dhe fuqishëm kundërshton çdo përpjekje për zhvlerësimin e tyre.

Partia Demokratike e Diasporës (PDD) është subjekt politik i qendrës së djathtë që përmban këto vlera: angazhim të përhershëm për shtet dhe institucione funksionale, familje, shoqëri, traditë, liri, drejtësi, prosperitet, tolerancë shoqërore dhe fetare, si vlera bazike dhe të patjetërsueshme të shoqërisë kosovare, duke u mbështetur në RREGULA, PUNË, KONTROLL, dhe gjithmonë duke ngritur VETËDIJEN, MORALIN DHE VLERAT ATDHETARE.

Republika e Kosovës është shtet i pavarur, sovran, demokratik, unik, dhe i pandashëm, i qeverisur nga përfaqësuesit e zgjedhur që duhet t’i respektojnë dhe t’i mbrojnë të drejtat e garantuara të qytetarëve me Kushtetutën e Republikës së Kosovës dhe me Konventa ndërkombëtare.

Partia Demokratike e Diasporës angazhohet për një shtet, shoqëri të së drejtës dhe me mundësi të barabarta që synon përfaqësimin e çdo kategorie shoqërore përmes votës se lirë me qëllim te udhëheqjes se institucioneve shtetërore.

Anëtar i PDD-së mund të bëhet çdo qytetarë i Republikës së Kosovës, pa dallim gjinie, gjuhe, orientimi, race, kombësie, religjioni, aftësie fizike etj., i/e cili duhet t’i ketë mbi 18 vjet. dhe i/e cili/a pranon dispozitat e këtij Statuti, Programit dhe akteve të Partisë Demokratike të Diasporës.